الى كل ملاك التويوتا
عايز اعرف رأيكم فى مركز صيانة عرفة جابر بكل امانة وبدون تحيز اى حد صلح عنده يقول رأيه :shock: [/b]
عرض للطباعة
الى كل ملاك التويوتا
عايز اعرف رأيكم فى مركز صيانة عرفة جابر بكل امانة وبدون تحيز اى حد صلح عنده يقول رأيه :shock: [/b]
مفيش حد صلح عنده خالص يقدر يقيمه
يا اخي الصبر اكيد مش كل الناس قاعدة عالنت ليل ونهار
هما ممتازين واسعارهم كويسة وانا اعرفهم شخصيا
وده رقم تليفون المركز بتاعهم واللي هايرد عليك مهندس عصام في مركز الخدمة
تقدر تكلمه مباشرة وتشوف انت عايز ايه
0100033118
انا رحت فعلا وللاسف كل الكلام اللى بتقولوه مش صحيح انا هحكلكو بالظبط على اللى حصل معايا ان شاء الله لما ارجع من السفر وشكرا
يا ريت تحكى لنا لإن أنا أعرف إن أنا أعرف واحد مشارك فى المركز و هما ناس محترمة فلو فيه حاجة أنا ممكن أظبطهالكاقتباس:
انا رحت فعلا وللاسف كل الكلام اللى بتقولوه مش صحيح انا هحكلكو بالظبط على اللى حصل معايا ان شاء الله لما ارجع من السفر وشكرا
حكايتى مع عرفة الجابر لو حد تابع المشاركات بتعتى وخصوص الفتيس اللى بينطر على الخامس انا سائلت فى المنتدى كتيير وبعدين دلونى على عرفة الجابر علشان اصلح العطل ورحت فى رمضان الساعة 10:00 صباحا كنت فى القاهرة المهم قعدت اسئل لحد موصلت لمركز عرفة ... :? المهم دخلت المركز لقيت واحد محترم كده لابس نظارة وقاعد هناك المهم سألته على المركز قلى هو فعلا هنا وفى مركز تانى عند المطار وبعدين قلتلوه على العطل قلى لازم اجرب العربية ماشى... وماله وانا راكب معاه لاحظت انى لا عايز يشوف عطل ولا حاجة وقى تعال بقى اما اوريك المركز التانى قلتله ليه منا هصلح هنا قلى هنا او هناك واحد المهم وصلنا المركز التانى رايح نازل ولقى عيل نايم راح واخد منه جزاء قرأن صغير ومشينا تانى المهم فى الطريق قلى العربية جميلة بالش تعمل فيها حاجة وامشى على سرعة 100 كيلو متر علشان مينطرش منك وبعدين قلى عرفت طريق المركز التانى قلتله ليه مانا هصلح عندك :wink: قلى تانى هنا وهناك واحد المهم وصلنا المركز اللى هو فيه لقيته بيقلى روح هناك علشان المركز ده مش شغال ( كان عايز العربية علشان يجيب مصلحة من المركز التانى ربنا يبركله ويتقبل منه) المهم خدت العربية انا واخويا ورحنا المركز الزفت التانى رحنا وشرحنا المشكلة تانى وبعدين اتصلت بالاستاذ عرفة قلى طبعا المهندس هيكون عندك وكل حاجة هتبقى تمام المهم فعلا المهندس كان عندى بعد حوالى نص ساعة ورفعنا العربية وبدأ الصنايعى هناك يحل الفتيس والاستاذ عرفة اكدلى ان كل حاجة هتخلص قبل الفطار ان شاء الله بالكتير خالص بعد العشاء وانا قاعد كانو شغالين فى عربية اكسنت عمالين يرفعوها وينزلوها بطريقة توحى بالغشومية لحد موقعت من على الونش على جنبها قلت يادى الليلة ربنا يستر وبعدين الاخ الصغير قلى انه هيحل الفتيس وهيجى واحد تانى متخصص (اول حرف من اسمه و ) هيصلح الفتيس وجت الساعة 4:00 لقيت صحبنا غيرو هدومهم وقفلو المركز وخلعو وشكرا على كده طبعا بما انى غريب رحت على جامع المطار واخويا نام هناك لحد المغرب وانا فضلت اغلى صلنا المغرب والعشاء ورحنا تانى للمركز لقينا الخبير بدأ شغل فعلا المهم قلتله على كل حاجة تهريب زيت من الفتيس ونطر الخامس ويغير كرسى الموتور مشوية حاجات المهم بعد افلام وحركات قلى هات فتيس استعمال ارخص رحت الحرفيين لمحل تبعهم وجبنا فتيس ب 1000 جنيه مستعمل على التجربة شافة الخبير وقال مينفعش بتاعك احسن منه وبعدين قلى انا هحلهالك وراح مغير البرميل بتاع الخامس ترس ب375 جنيه فى داهيه المهم المشاكل تتحل وبعدين شرحت للأخ المبجل ووو المشاكل وبتيجى منيين وكان بيعامل معايا كأنه جاى من اليابان خلصنا الفلم ده على الساعة 4:00 الفجر من 10:00 صباحا وجاء وقت الحساب وانا اصلا مش طيقهم خالص المهم الافندى واو نده المحاسب فى جنب ووشوشه وبعدين داخلت احاسب الراجل اخونا كانو عايزى اجى تانى يوم علشان ارجع الفتيس وفى نفس الوقت احسبهم بعيد عنه المهم اعترضت وقلتلهم خلو الفتيس المستعمل عندكم رجعوه بمعرفتكم قالو ماشى ودخلت ادفع الحساب لقيت الاخ المبجل المحاسب بيغير المصنعية ويخليها 350 جنيه بدلا من 250 جنيه والحساب وصل 1050 جنيه قلتله ليه هو انا بصلح فى التوكيل قلى مليش دعوه المهندس اللى قال كده قلتلة لتصلى بالمهندس قلى الساعة 4:30 قلتله وماله انا مش هدفع المبلغ ده ده استهبال المهم يمين شمال اتصل بالمهندس وكلمه شوية وبعدين ادهولى على التليفون فقلتلى انا ادفع عدل ربنا لكن اللى بيحصل ده كلام فارغ انتم بهدلتونى اخر بهدلة وازى يغير المصنعيات من دماغه دى قلة ضمير المهم المهندس كان زوق بصراحة وقلى ادفع اللى تدفعة المهم دفعت 850 جنيه حار ونار فى جتتهم وبرضو العربيه جابت زيت تانى ربنا ينتقم من الظالميييين وشكرا :(
ما دام الصيانة بتتعمل برة التوكيل يبقي الصناعية انت وحظك....
وبعدين دة صنايعي مصري .....يعني راجل بيراعي زمتة وضميرة...وبيخاف من ربنا وبيتقن عملة علي اكمل وجه.... :wink:
انا فهمت كلامك نص فهم كدة لان في حاجة مش مظبوط وارجوا انك تتكلم على الناس باسلوب افض من كدة
وانا هاكلم استاذ عرفة يدخل يرد بنفسة على الحوار ده
انت لازم ترجعلوهم تانى بدام المشكلة لسة موجودة
طبعا اكيد ما دام المشكلة ما تحلتش.....لازم ترجع تاني وتحلها معاهم .....هي فعلا حاجة تضايق وتخنق ...لان مشاوير الصيانة الواحد ما بيصدق انها تنتهي .....مش معقول بعد ما يخلص يلاقي المشكلة زي ماهي ....
عموما ربنا يوفقك ...ومشكلتك تتصلح...
يعنى ايه اتكلم على الناس بأسلوب افضل من كده هو حضرتك شايف انى اتكلمت بأسلوب مش كويس انت لو مكانى كنت فقدت اعصابك معاهم بس الحمد لله انى مش من النوع اللى بيتعصب بسرعة وانا اصلا معرفش حد هناك وكان عندى امل الاقى معاملة كويسة فى القاهرة لكن للأسف انا اتبهدلت معاهم جامد واظن حضرتك مدرك يعنى ايه واحد صايم يقعد من الساعة 10:00 صباحا لحد الساعة 4:30 تانى يوم وكمان يسافر 150 كيلو بعد ده كله ربنا ما يوريك اللى انا شفته وشكرا على ردك الجميل ;)اقتباس:
المشاركة الأصلية كتبت بواسطة karim_monir
الاستاذ الفاضل صاحب المشكله (معلش مش عارف اسمك ايه)
اولا انا بشكر حضرتك (بجد) لان اسلوبك ماشاء الله قمه فى الادب والاحترام (ربنا يديمها عليك نعمه)
انا فعلا لو كنت مكانك كنت مش عارف هعمل ايه فالحمد لله ان ربنا رزقك الصبر
و انا بعتذرلك انك اتعاملت وحش فى القاهره (بما انى واحد من اهل هذه المدينة التى تزداد سوء كل يوم)
و الحمد لله انك بخير وياريت متكنش زعلان من ايه حاجه :P
يا جماعة انا عارف المجموعة ديه كلها من ايام كوناكت كارز وبأحترم اى حد موجود هنا صغير او كبير وبأحترم النتدى لأنه مكان كويس جدا لتبادل المعلومات ومعرفة أراء النافى اى حد عرفة الجابر اوغيره والهدف انى كتبت حكايتى المشاركة فقط انا كان ممكن اسكت وطنش ومكتبش حاجة بس ده مش سلوك المنتدى زى ما الناس كتبت على محطات البنزين اللى بتغش البنزين وعملو قائمة سوداء وطبعا ده كان نتيجة اراء شخصية لكل فرد فى المنتدى فمن حقى اقول اللى انا عايزه من وجهه نظرى الشخصية لمشكلة واجهتنى بدون تحيز وارجو من كل الناس احترام اراء الاخرين كما نحترم ارائكم خصوصا انى رحت بناء على توصيات من المنتدى ومشتكتش اى حد نصحنى انى اروح لعرفة جابرررر لأن كل واحد له تجربة شخصية ليس شرط ان تنعكس على الآخريييين :shock:
+1اقتباس:
المشاركة الأصلية كتبت بواسطة edfeeoc
انا مش فاهم انتفهمت كلامي غلط ازاي
بس انت لما بتقول حار ونار وربنا ينتقم ده مش اسلوب كويس للرد على ناس لا تملك حق الرد
اما عن انك قعدت الوقت ده انت متخيل يعني ايه تصليح فتيس
انت متخيل انك تروح الحرفيين تدور وتنقي وترجع تاني وتصلح في نفس اليوم
الفتيس يعني نص موتور
حل الفتيس لوحدة شوف بياخد وقت قد ايه غير الشغل فيه
انا مش بقتنع باي شغل جامد في رمضان
لا عمرة ولا فتيس عشان الوقت بيبقي مقتول واكتر وقت بيكون فيه الشغل بيكون ضايع
وعموما زي ما قولتلك انا هاروح لاستاذ عرفة اعرف منه ايه اللي حصل بالظبط لانه بيهمة جدا سمعتة وسمع مكانة
Is Arafa Gaber same of Ahamed Gaber of Toyota auto parts shop
طبعا انا معاك لو حصل حاجة زي كده معايا انا هولع فيهم
لكن شركة عرفه جابر مش شركة صغير عشان يحصل الي حضرتك بتقولو ده
انا موزع قطع غيار الوحيد الي بيديك ضمان سنه على قطع الغيار الي بتخدها
مراكز الخدمة الي عندي فيها مهندسين من شركة تويوتا نفسها
اخيرا وليس اخرا انا بكرر انا بدي ضمان لمدة عام كامل على قطع الغيار
ولو عندك مشكله ده رقمي الشخصي 0123427458 عرفه جابر
تقدر تكلمني اي وقت ونحللك مشكلتك دي لو كانت حقيقيه اصلا مش كلام وبس
اقتباس:
المشاركة الأصلية كتبت بواسطة TOYOTA ARAFA
:!: :!: :!: :!: بصراحة انا مش فاهم انت ناسى وله بتحاوال تتناسى ده انا اتصلت بيك اكثر من 12 مرة وانت اتصلت بيه للأمانه علشان تطمن ان الموضوع ماشى لكن للأسف بعد كدة تليفون حضرتك محدش كان بيرد من بعد العشاء لحد مانا سفرت وكمان هأكدلك انالموضوع حقيقة مش كلام وبس
المهندس المسئول اسمه أحمد ومعاه عربية لانسر كولت كانت فيه عربية تويوتا شكلها سماوى وشكلها ما بعد 2002 وكان المهندس كل شوية يجرب فيها وبالليل اتغسلت فى البنزية اللى فى المركز ومشيت الميكانيكى اسمه وائل كانت فيه عربية تبع وائل نص نقل بيركبلها كشفات من اللى بتركب فوق العربية الاخ اللى بيحاسب اسمر وطويل بس مش فاكر اسمه المركز جنبه على طول مركز لصيانة فيات بالمناسبة المركز مقفلش الساعة 4:00 زى محضرتكم عملتم وانا اصلا مش محتاج اختلق حكاية واهمية ولو حضرتك او الاستاذ كريم منير راجعتم الاسئلة بتاعتى قبل اصلا معرفكم هتلاقيها فى المنتدى علشان تعرف انى مش بأختلق مشكلة وهتلاقى سؤال عن الفتيس اللى بينطروتهريب الزيت وسؤال تانى عن عنوان مركز حضرتك وشكرا على الرد بس للعلم انى مش هاعرف اجيب وقت تانى علشان اروح المشوار ده ومش عايز اصلحة تانى حتى لو بعت العربية وشكرا على استجابه حضرتك الرد :?:
جمله ملهاش اي لازمه :(اقتباس:
ونحللك مشكلتك دي لو كانت حقيقيه اصلا مش كلام وبس
بصراحة انا مش شايف فى اسلوب الاخ "edfeeoc" اكتر من انه واحد راح قضى يوم فى مركز صيانة كبير متوقع منه الاحترافية فى الاداء
و فوجئ باهمال شافه (الاخ اللى جرب معاه + الاكسنت)و اصلاح العطل لم يتم على اكمل وجه بعد قضاء يوم كامل من المعاناه.
و هو كمان قال بعض الشواهد التى تؤيد كلامه
الباشمهندس عرفة دخل جامد و شكك فى روايته فكان المفروض يتاكد بنفسه و لو الكلام مش صحيح يبقى ساعتها كان يقول ان ده كدب
الكلام محتاج موضوعية عشان تبقى له مصداقية
=اقتباس:
المشاركة الأصلية كتبت بواسطة sabbagh
+ 1
اقتباس:
تقدر تكلمني اي وقت ونحللك مشكلتك دي لو كانت حقيقيه اصلا مش كلام وبس
أنا بقالي كتير و الله مشركتش بس كلام حضرتك فعلاً غريب جدأ و خلاني عايز أسألك سوال بسيط جداً.....يعني انت شايف إن دي طريقة مناسبة تكلم بيها عميل عندك حتي لو كان مش حييجي تاني :!: :!: :!:
الاسلوب الذي تم الرد به على مشكله عضو المنتدى أسلوب مستفز ........... حاولت ان أجد بين طياته اي اعتذار حتى لو بطريقه غير مباشره (لحين التحقيق في الشكوى مثلا) ولكن للاسف هو استمرار للعنجهيه والتكبر الذي يتبعها العديد من مقدمي الخدمات في مصر مع المستهلكين
كريم رجاءا بلاش نتلمس الاعذار لسوء الخدمه ......... اللي حصل هو استهانه المركز بوقت العميل ... يعني بمجرد ما تم الكشف اي مركز محترف المفروض أنه يدي للعميل وقت متوقع لانهاء الشغل .... وهو يشوف ظروفه ها ينفع ولا لأاقتباس:
اما عن انك قعدت الوقت ده انت متخيل يعني ايه تصليح فتيس
انت متخيل انك تروح الحرفيين تدور وتنقي وترجع تاني وتصلح في نفس اليوم
الفتيس يعني نص موتور
حل الفتيس لوحدة شوف بياخد وقت قد ايه غير الشغل فيه
انا مش بقتنع باي شغل جامد في رمضان
استمرار للاستهانة بالعملاء و التكبر عن الاعتذار و الاعتراف بالخطأ
و بغض النظر عن كون مشكلة الاخ EDFEECصح و لا لا .. انا عن نفسي اللي هاعمله بعد رد الاستاذ عرفة
الا اني هانصح الناس معارفي و اصحابي و اي حد اقابله انها متروحش عنده
زي مابعمل مع كارتك
لان ده مش فكرتي عن خدمة العملاء
و انا برضو رايي ان الراجل بيحكي اللي حصل لعربيته بمنتهى الادب و الهدوووووء اللي يشكر عليه
والله أنا شايف إن الأخ صاحب المشكلة إتظلم ظلم كبير
وكلمة نحللك مشكلتك دي لو كانت حقيقيه اصلا مش كلام وبس من صاحب المركز فيها إفتراض لسوء النية ومتطلعمش من صاحب مركز محترم (حسب كلامة) .
فأنا بصراحة بأويد التحذير من هذا المركز زي مركز كارتك
[quote="Mohsens"]للأسف اجد نفسى مضطر للتعليقاقتباس:
تقدر تكلمني اي وقت ونحللك مشكلتك دي لو كانت حقيقيه اصلا مش كلام وبس
الحقيقه الرد صدمنى جدآ ولا اجد فيه ادنى تطبيق لمبدأ "العميل دائمآ على حق"! بل وبه تشكيك صريح لمصداقية العميل وهو عكس ما كنت اعتقده عن مركز عرفه جابر تماما.. وخصوصآ ان الأستاذ كريم منير (وله عندى مصداقيه عاليه) كان يمدح فيه.
على العموم لننتظر أخر الموضوع
يا جماعه انا ما شككتش فيه انا قولت هاتاكد من مهندس عرفه وانا بينت وجهة نظري علي نقطه فك الفتيس في التوقيت ده وروحت لاستاذ عرفه وبلغته وهو فعلا وقته قليل وكان مشي صنايعيه ومهندسين وجاب ناس افضل عشان يحافظ علي اسمه ولو ماكنش هامه فعلا ماكنش دخل رد_وانا اللي يهمني في النهايه المصلحه
1111111111111111111111
انا مش فاهم انت تقصد ايه باللى انت كاتبه ده يعنى ايه هل ده نوع من الاستهانة بالمنتدى بالناس وبالمنتدى المفروض ان حضرتك بتتكلم بأسم مركز ووكيل لتويوتا (عرفة جابر ) فمن المفترض انك ترد بطريقة مسئولة عن كده على كل الكلام اللى اتقال هنا مش تكتب شوية ارقام
حسبى الله ونعم الوكيل مش هقول اكتر من كده
..........................
........................
لقد خالفت القاعدة 6 ب من قواعد المنتدى
ممنوع كتابة اللغة العربية بالأحرف الانجليزية
يرجى مراجعة قواعد المنتدى
11:46pm 21/6/2010
مشرف القسم 9ب
يا اخ تيتو خليك محترم اكتر من كدة
انت ما تعرفش مين دول اللي بتتكلم عليهم
طبعا بتتكلم عني انا شخصيا بما اني اللي دافعت عن مركز عرفة جابر
لكن اللي ما تعرفوش إنى لما تدخلت عشان استاذ عرفة فده عشان انا اعرفه شخصيا
واعرف انه لن يرضى انه يتقال عن الشركة بتاعته الكلام ده
واحنا في انتظار دخولة وتعليقه على الكلام
و ياريت ماترميش التهم جزافا على ناس إنت ماتعرفش حاجة عنهم
---------
اخيرا الكلام في المنتدي هنا اما بالعربي واما بالانجليزي
مافيش مجال للغة الفرانكو اراب دي
:)
MR KARIM
when i wrote my message really i didn't mean you or any other person
because i read this subject while i am at work and i read it quickly without taking care of the writers even the owner when i want to mention his name i went to the beginning of the page to get his name
anyway
i just defend a person who i really put myself in his shoes
and i know how much he is ungry
and i found messages that defend the ARAFAA without any reason
and i think it is democracy to let every one say what he think without bad or wrong words
I revised my message again and i didn't find any bad or wrong word
and i think it is not good also to tell some one you don't know BE MORE POLITE
regarding the Franko arab
sorry for that but i don't have an arabic keyboard and i see arabic is more better to tell what you want and to let people who don't know english to share us
that is all
thank you and sorry if i harm you
و فين هذا الرد المنتظر
معلش يا كريم
الكلام السابق من الاستاذ عرفة يفقده و يفقد مركزه اي مصداقية
و اعذر تطفلي على حوارك
بس انت اول واحد كنت بتدافع عن الحق البين الواضح
و اتمنى انك دايما تكون كده و لو على من تحب او تعرف
فعلى حد علمي انه عضويته موجوده و من حقه يرد
و عدم رده استمرار بالاستهانة
حاجة كمان .. الراجل قالك انا حاسس بكذا
هل ده معناه انه كلامه مش محترم كفاية
و لوطبقنا كلامك انه مينفعش نلقي التهم جزافا .. على حد متعرفوش
فأنت اولى واحد بكده ...
اخيرا انا بدافع عن فكرة
مش اشخاص
و بانقد فكرة
مش اشخاص
و يا رب يتسع صدرك لكلامي
يا جماعه الموضوع أبسط من كده
و أكيد يا باسم إنت مش فاهم الموضوع صح
دلوقتى كريم بيعاتب تيتو على أساس كلمة واحده ضايقته و أى حد يقرأها مكان كريم يتضايق
أعتقد كلمة تضايق و رجع تيتو وضح كلامة مرة تانية يعنى كريم مش إتضايق من مفيش لإن دة كلمة توجعاقتباس:
el mowdow3 daa 7asesny en fee nas hena fee el mowntadaa lehaa masl7aa ma3 nas
ما علينا بخصوص موضوع عرفة جابر سواء رد أو ماردش شاف الموضوع أو مش متابع فى الأول و فى الآخر إحنا مش فارق معانا فى حاجة لأن دى سمعته و عدم رده يؤكد إنه مركز أى كلام و أثبت إنه فى المواقف إللى بتبين الناس إنه مش قد كده و لا يعتمد عليه
و إن كان كريم شكر فيه قبل كده فده عن سابق تعامل معاه
و لو تفتكر يا باسم من زمان كثير مننا شكر فى توكيل ما أو مركز خدمة ما و رجع بعد فترة نفى ده أو قال كلام معاكس لأن كل مرة خبرتك بتزيد النهاردة التوكيل ساعدنى بس فى مرة تانية لما كان عندى مشكلة صعبة بوظوا الدنيا أو مارديوش يستبدلوا البايظ فى الضمان أو أو ........
أما التوكيلات و مراكز الخدمة المحترمة ماشيين على خط واحد مع كل الناس فصعب تلاقى إن اليوم معاملة و بكرة معاملة
ماشي يا ميمو كلامك تمام وبيصب في نفس الخانة
انا عارف الكلمة تضايق .. بس رد الفعل جذب انتباهي .. حسيت انه اكبر من حجم الكلمة
و انا من اعتزازي بكريم .. محبش اشوفه في وضع ما يؤاخذ عليه
و انت عارف اكيد .. صديقك من صَدَقك لا من صَدّقك
ربنا يديم المعروف
الاول شكرا ليك يا باسم على حسن ظنك وحرصك على صورتي
لكن صحيح هيا الكلمة تضايق فعلا
لاني مافيش غيري في الموضوع كله اللي قال ان مراكز عرفة كويسة
وعن سابق تعامل اكتر من مرة
فلما يجي واحد يقول اني في ناس ليها مصالح يبقي اكيد يقصدني انا
تخيل بعد ده كلة يكون ليا مصالح وفي موضوع مش انا اللي عاملة
الحمد لله
وشكرا يا صديق لان فعلا الصديق دي كلمة كبيرة ما نعرفهاش الا وقت الشدة
على ايه الخناقات دي كلها
مصر مليانه توكيلات و مراكز خدمه بناقص المركز ده خالص
وده ميمنعش اللي مقتنع بيه يروحله
مفيش خناقات و لا حاجة يا اخ 007
ده اللي بيحصل هو الهدف الرئيسي من المنتدى
اللي هو الافادة و التوعية
ومع ذلك رايك صحيح
المراكز كتير و اللي مقتنع يروحله
يا جماعة من الآخر إحنا في مصر ،،
مش في أمريكا ،،
و أنا اتحدي إن حد يجيبلي مركز خدمة أو توكيل و يقولي عليه محترم بمعني الكلمة ،،
و أنا هاثبتلوا عكس ده من تجارب الناس اللي اتعاملت معاه ،،
فلازم كعميل ماتتوقعش خدمة فايف ستارز في مصر ،،
مش عشان الناس وحشة ،، عشان هيا ظروف بلدنا كده ،، البلد بحالها عايزة كواليتي كنترول ،،
أنا معرفش المركز اللي بتتكلموا عليه ده ،، علي الإطلاق ،، بس مش عشان عمل موقف وحش ،، يبقي يستاهل الحرق ،، ده ممكن يكون عيب صنايعي أو مهندس و غالبا نظام فاشل زي أي حاجة في مصر
و ممكن يكون المركز ده افضل مركز في مصر لو عندي عربية تويوتا وعايز اعمل حاجة معينة ،،
احنا كلنا دلوقتي بنشتم في كارتك ،، و انا معاكم ،، بس كارتك كويس لحاجات معينة ،، ناس محترمة مكان نظيف ،، معاملة كويسة ، مش زحمة ،، يعني لو عندك عربية هيونداي و يدوب عايز تعمل الصيانة الدورية و شوية حاجات بسيطة هوا أفضل مكان و عن تجربة ،، و انا جربت غيره زودولي مياة الردياتير مياه من الحنفية !!!!!!! في عربية زيرو
مستخسرين بق المياه !!!!
مركز مودرن سيرفيس ،، اللي علي طريق الهايكستب مركز معتمد من غبور ،،